உனக்காக

உன்னை நான் முதன்முதலில் 

பார்த்த போது

என்னை நான் மறந்தேன் 

ஒரு நொடியில்;

உன்னுடன் பேசும் போது 

என் இதயத்தை 

இழந்தேன்;

உன் மேல் காதல் கொண்டு 

என் வாழ்க்கை நீ தான்

என்றதால்

உறவுகளின் நன்மதிப்பை 

இழந்தேன்;

என் அம்மாவிடம் 

நீ தான் என் காதலி 

என்று சொன்னதால் 

அம்மாவின் அன்பை 

இழந்தேன்;

உன் மீது அன்பு,

பாசம்,

காதல் வைத்ததால்,

உடன்பிறப்புகளின் உறவினை 

இழந்தேன்;

உன்னையே நினைத்துக் 

கொண்டு இருந்ததால்,

என் உணர்வுகளை 

இழந்தேன்;

ஊண், உறக்கம் இழந்தேன்;

உன்னையே மனதில் 

சுமந்து திரிந்ததால் 

குடும்ப சுமையை 

இழந்தேன்;

நீ என் இதயத்தை 

தினம் தினம் நோகடிப்பதால் 

என் பசியினை 

இழந்தேன்;

நீ என் வகுப்பறையில் 

இல்லாததால் 

என் படிப்பை 

இழந்தேன்;

உனக்காக காத்திருந்து காத்திருந்து 

என் வாழ்நாளை  இழந்தேன்;

உன்னை தினம் பார்க்க வேண்டும் 

ஆனால்,

பார்வை இருந்தும்,

பார்வை இழந்துள்ளேன்;

ஆனால்,

நீயோ உயிரை இழக்கச் சொல்கிறாய்;

அதுவே உன் ஆசை என்றால், 

உனக்காக இழப்பேன் என் உயிரை;

நான் மண்ணை விட்டுப் பிரிந்தால்;

என்னைப் போல் யார் காப்பான் உன்னை;

அதனால் தான் உயிருடன் வாழ்கிறேன்; 

உனக்காக !